WUF13 çərçivəsində qadınların təhlükəsiz mənzillərlə təmin olunması, gender bərabərliyinin nəzərə alınması barədə sənədlərin qəbul olunması planlaşdırılır.

"Report" xəbər verir ki, bunu Birləşmiş Millətlər Təşkilatının (BMT) Baş katibinin müavini və BMT-nin Dayanıqlı İnkişaf Qrupunun sədri Amina J. Mohammed Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində "Qadınların Dəyirmi Masası: Gender bərabərliyi və qadınların gücləndirilməsi üçün adekvat mənzil təminatı" mövzusunda çıxışı zamanı deyib.

Onun sözlərinə görə, şəhər həyatının formalaşdırmasında böhranlar və qadınlara təsirləri nəzərə alınmalıdır:

"Güclü şəhərlər olmadan qadınların hüquqlarını təmin etmək olmaz. Buna görə də yaşayış yerlərini qadınlar üçün əlçatan etmək lazımdır".

A.Mohammed əlavə edib ki, bu mövzu WUF13də də geniş müzakirə olunur və həlli istiqamətində sənədlərin qəbulu nəzərdə tutulub.

Oxşar xəbərlər

Bahar Muradova: Azərbaycan qadınların şəhərsalma proseslərində iştirakını dəstəkləməyə hazırdır

ECO qadınların texnologiya sahəsində inkişafı ilə bağlı planlar hazırlayıb

Anar Quliyev: WUF13 məqsədlərinə doğru addımlayır

“UN Women”: İqlim maliyyələşdirilməsində gender aspektləri nəzərə alınmalıdır

Bahar Muradova qadınların su resurslarının idarəçiliyinə cəlb olunmasını təklif edib