Rusiya və Ukrayna arasında birbaşa danışıqların bərpası müsbət nəticələrə gətirib çıxara bilər.

“Report”un xarici mətbuata istinadən verdiyi məlumata görə, bunu ABŞ Prezidenti Donald Tramp bildirib.

"Rusiya və Ukrayna arasında cümə axşamı keçiriləcək görüş çox vacibdir. Mən bu görüşün təşkil olunmasında çox israr etdim. Düşünürəm ki, bu danışıqlar yaxşı nəticələrə gətirib çıxara bilər", - D.Tramp Ağ Evdə bildirib.

Keçən həftə Rusiya lideri Vladimir Putin Rusiya və Ukrayna arasında 2022-ci ilin yazında dayandırılmış birbaşa danışıqların bərpasını təklif edib. Rusiya Prezidenti mayın 15-də İstanbulda nümayəndə heyətlərinin görüşünün keçirilməsini təklif edib. Ukrayna Prezidenti Volodimir Zelenski daha sonra həmin tarixdə Putini Türkiyədə gözləyəcəyini deyib.

Oxşar xəbərlər

Tramp İstanbulda Rusiya-Ukrayna danışıqlarına qoşula bilər

Tramp Ukrayna və Rusiya liderləri ilə danışıqlardan razı qalıb

Putin Rusiya – Ukrayna danışıqlarının mayın 15-də Türkiyədə başlanmasını təklif edib

Tramp Rusiya və Ukrayna arasında tam atəşkəsin əldə olunmasında israr edir

Tramp: Rusiya-Ukrayna müharibəsinin nizamlanması naminə Putinlə danışığa hazıram