Türkiyə Prezident Administrasiyasının Kommunikasiya İdarəsinin rəhbəri Fəxrəddin Altun PKK terror qruplaşmasının özünü ləğv etməsi və silahı buraxması qərarına münasibət bildirib.

"Sizinxeber.az" xəbər verir ki, bu barədə o, özünün "X" hesabında paylaşım edib.

F.Altun qeyd edib ki, separatçı terror təşkilatının silahı buraxmaq və özünü ləğv etmək qərarının açıqlanması, Prezident Rəcəb Tayyib Ərdoğanın liderliyi ilə aparılan "terrorsuz Türkiyə" prosesinin mühüm bir mərhələni gücləndirərək qət etdiyinin aydın göstəricisi olub.

"Türkiyə 40 ili aşan prosesin sonunda gəlinən bu mərhələyə qədər müxtəlif bədəllər ödəmiş, çətinliklər çəkmiş və ən əsası övladlarını vətən uğrunda şəhid vermişdir. Bu günə görə əməklərin müqayisə edilməyəcək dərəcədə ən böyüyünün sahibi olan əziz şəhidlərimizin hər birini rəhmət və minnətlə anırıq.

Şübhəsiz "terrorsuz Türkiyə" prosesi dünəndən bu günə inkişaf edən qısamüddətli və dayaz bir proses olmadığı kimi, bu gündən sabaha çox sürətli şəkildə sonlanacaq bir proses də deyildir. Türkiyənin və əziz millətimizin terrordan, zorakılıqdan, xaosdan uzaq olduğu; hüzurun, sülhün və sabitliyin hakim qılındığı bir mühitin təsisi üçün Türkiyə Cümhuriyyəti Dövləti bütün biliyi, potensialı və təcrübəsi ilə çalışmağa davam edəcək", - o vurğulayıb.

F.Altun qeyd edib ki, prosesin sağlam və axıcı bir şəkildə irəliləməsi üçün lazımi tədbirlər alınacaq, bütün addımlar həssas və şəffaf bir şəkildə, qətiyyət və diqqətlə atılacaq.

Oxşar xəbərlər

Fəxrəddin Altun: BMT-nin sülh və təhlükəsizliyi bərqərar etməsində çətinliklər mövcuddur

Ömər Çelik: PKK-nın ləğvi "terrorsuz Türkiyə" hədəfi üçün önəmli mərhələdir

Fəxrəddin Altun: Türkiyə dünyada sülhün və sabitliyin təmin olunmasına çalışır

Fəxrəddin Altun: Türkiyə artıq qlobal güclərin arxa bağçası deyil

Fəxrəddin Altun: Qarabağ Azərbaycan torpağıdır