Baş nazir Benyamin Netanyahunun dəftərxanası Azərbaycanda aprelin 9-da İsrail və Türkiyə rəsmiləri arasında Suriya barədə görüşün keçirilməsi faktını təsdiqləyib.

“Sizinxeber.az” xəbər verir ki, bu barədə TASS məlumat yayıb.

Məlumata əsasən, İsrail görüşün təşkilinə görə Azərbaycan tərəfinə təşəkkür edib.

"Baş nazir Benyamin Netanyahunun göstərişi ilə ötən gün İsrailin Milli Təhlükəsizlik Şurasının rəhbəri Tsaxi Xaneqbinin rəhbərlik etdiyi hərbi-siyasi nümayəndə heyəti, həmçinin müdafiə nazirliyi və güc strukturlarının nümayəndələri ilə türkiyəli həmkarları arasında görüş keçirilib", - bəyanatda bildirilib.

Azərbaycanda aprelin 9-da Türkiyə və İsrail rəsmiləri arasında görüş keçirilib.

“Sizinxeber.az” “Haber Global”a istinadən xəbər verir ki, məlumatı Türkiyə Milli Müdafiə Nazirliyindəki mənbələr yayıb.

Bildirilib ki, bu, "Suriyada münaqişəsizlik" mexanizminin ilk texniki görüşü olub.

"İsrail Suriyaya aid hərbi bazaları hədəf alır. Həmçinin, İsrail Türkiyəni haqsız ittihamlarla hədəf göstərir. Türkiyə isə Suriyada İsraillə münaqişədə olmaq istəmədiyini dəfələrlə vurğulayıb", - məlumatda qeyd edilib.

Oxşar xəbərlər

Bakıda Türkiyə və İsrail rəsmiləri arasında görüş olub

Azərbaycanda Türkiyə və İsrail arasında görüş keçirilib

Türkiyə və Suriya müdafiə nazirlikləri arasında görüş ola bilər