ABŞ hökuməti İranın nüvə proqramı ilə əlaqəsi olduğu iddia edilən bir şəxs və beş şirkətə məhdudiyyətlər qoyub.

“Sizinxeber.az” xəbər verir ki, bu barədə ABŞ Maliyyə Nazirliyinin mətbuat xidmətinin yaydığı məlumatda deyilir.

ABŞ Maliyyə Nazirliyinin Xarici Aktivlərə Nəzarət İdarəsinin saytında yerləşdirilən məlumatlara görə, məhdudiyyətlər İran vətəndaşı və İslam Respublikasında yerləşən beş şirkətə aiddir.

Sənəddə həmçinin bildirilir ki, sanksiyalar İranın nüvə proqramına nəzarət edən əsas şirkətlərə dəstək iddiası əsasında tətbiq olunub. ABŞ administrasiyasının məlumatına görə, məhdudiyyətlərə tabe olan fiziki və hüquqi şəxslər Tehranın nüvə silahının hazırlanmasında istifadə edildiyi iddia edilən kritik texnologiyaları tədarük və ya istehsal ediblər.

Qeyd edək ki, sanksiya siyahısına daxil edilmə ABŞ-dəki aktivlərin dondurulması və Amerika vətəndaşlarının və şirkətlərinin siyahıya alınmış şəxslərlə iş aparmasının qadağan olunması deməkdir.

Oxşar xəbərlər

ABŞ 250-yə yaxın fiziki və hüquqi şəxsə qarşı sanksiya tətbiq edib - YENİLƏNİB

ABŞ Gürcüstanın 4 vətəndaşına qarşı sanksiyalar tətbiq edib

ABŞ İsrail vətəndaşlarına qarşı sanksiyalar tətbiq edib