İran hərbi qüvvələri lazım gələrsə Hörmüz boğazını bağlaya bilər.

“Report” “Tasnim”ə istinadən xəbər verir ki, bunu İslam İnqilabı Keşikçiləri Korpusunun (“Sepah”) Hərbi Dəniz Qüvvələrinin komandanı Əlirza Tanqsiri Bəndər-Abbasda jurnalistlərə açıqlamasında söyləyib.

“Hərbi güc tətbiq edərək Hörmüz boğazını bağlaya bilərik. Lakin biz özümüz boğazdan istifadə etdiyimiz müddətdə bunu etməyəcəyik”, – o deyib.

Komandan vurğulayıb ki, ABŞ heç vaxt İran neftinin ixracını dayandırmaq məqsədinə nail ola bilməyəcək. O, Tehranın qarşısında regional sabitliyi və İran neft və qazının təhlükəsiz ixracını təmin etmək kimi əsas məqsədlərin durduğunu xatırladıb.

Xatırladaq ki, daha öncə ABŞ Prezidenti Donald Tramp İrana qarşı maksimum təzyiq siyasətinin bərpasını nəzərdə tutan fərman imzalamışdı. Bundan sonra Tramp İranla silahlı qarşıdurmaya getmək niyyətində olmadığını və qarşıdurmadan qaçmaq üçün Tehranla İran nüvə problemi üzrə saziş bağlamaq istədiyini açıqlamışdı.

Oxşar xəbərlər

İran Hörmüz boğazında region ölkələri ilə birgə hərbi təlimdə iştirak edəcək

Sepah körfəzdə dəniz qüvvələrinin təlimini keçirir

İran Trampın prezidentliyi öncəsi hərbi təlimlərin sayını ikiqat artırıb

İran İsraillə birbaşa qarşıdurma halında fəaliyyət planları hazırlayıb

İran Fars körfəzində keçirilən təlimlərdə süni intellekt elementli raketlər tətbiq edib