

Gürcüstanda aksiyanın keçirildiyi əraziyə xüsusi təyinatlı polis dəstəsi cəlb edilib - YENİLƏNİB-2
Gürcüstanın paytaxtı Tbilisidə, Rustaveli prospektində "Rusiya qanunlarına yox, Avropaya hə” şüarı ilə etiraz aksiyasının keçirildiyi parlament binası qarşısındakı yaxın əraziyə polisin xüsusi təyinatlı dəstəsi cəlb edilib.
"Report"un yerli bürosu xəbər verir ki, əraziyə su şırnağı da gətirilib.
Parlamentin bütün girişlərində xüsusi təyinatlılar yerləşdirilib. Aksiyaçılarla hüquq-mühafizə orqanlarının əməkdaşları arasında qarşıdurma etirazçıların tələbindən sonra başlayıb. Xüsusi tapşırıqlar idarəsinin nümayəndələri də parlamentin həyətindədir.
Gürcüstanın Daxili İşlər Nazirliyi məlumat yayaraq, aksiyanın zorakılığa çevrildiyini bildirib.
“Hüquq-mühafizə orqanlarının çoxsaylı müraciətlərinə baxmayaraq, aksiya iştirakçıları dəfələrlə polis kordonunu yarmağa cəhd ediblər. Asayişi bərpa etmək üçün polis qanunla müəyyən olunmuş xüsusi vasitələrdən istifadə edib. Bir daha mitinqin təşkilatçılarını, siyasi partiya rəhbərlərini və iştirakçıları hüquq-mühafizə orqanları əməkdaşlarının qanuni tələblərinə tabe olmağa, qanunla müəyyən edilmiş etiraz ifadəsi normalarını aşmamağa çağırırıq”, - nazirliyin məlumatında vurğulanır.
Gürcüstan parlamentinin binası qarşısında aksiya iştirakçıları ilə hüquq-mühafizə orqanlarının əməkdaşları arasında qarşıdurma olub.
"Report"un yerli bürosu xəbər verir ki, qarşıdurmaya səbəb mitinq iştirakçıları tərəfindən Gürcüstan parlamentinin qarşısında hasarlanmış səhnəyə çıxmaq tələbi olub.
Hazırda aksiya iştirakçıları ilə Daxili İşlər Nazirliyinin əməkdaşları arasında danışıqlar gedir.
Mitinq iştirakçıları “Gəlin içəri girək” şüarları səsləndirirlər.
Gürcüstanın Daxili İşlər Nazirliyi (DİN) də öz növbəsində aksiyanın təşkilatçılarını, iştirakçılarını qanunla icazə verilən sərbəst toplaşmaq və ifadə azadlığından kənara çıxmamağa, ictimai asayişi qorumağa çağırıb: “Həmçinin Rustaveli prospektində qanunvericilik binasının qarşısında qurulan səhnənin inventarına və avadanlıqlarına xələl gətirməməyə səsləyirik. Rustaveli prospektində davam edən aksiya ilə əlaqədar Daxili İşlər Nazirliyinin əməkdaşları səfərbər olunub və vətəndaşların təhlükəsizliyini qoruyur. Mitinqin təşkilatçılarını və iştirakçılarını qanunla icazə verilən sərbəst toplaşmaq və ifadə azadlığından kənara çıxmamağa, ictimai asayişi qorumağa çağırırıq".
"Həmçinin aksiyanın hər bir iştirakçısını Rustaveli prospektində, qanunvericilik binasının qarşısında qurulan səhnənin texnologiya və avadanlıqlarına xələl gətirməməyə çağırırıq. İstənilən qanun pozuntusunun qarşısı polis tərəfindən dərhal alınacaq”, - DİN-in bəyanatında deyilir.
Gürcüstanın paytaxtı Tbilisidə “Xarici agentlər haqqında” qanun layihəsinin əleyhinə çıxanlar parlamentin binasına yürüş ediblər.
"Report"un yerli bürosu xəbər verir ki, onlar qanun layihəsinin səsvermədən çıxarılmasını tələb edərək binanı əhatə etməyi planlaşdırırlar.
Müxalifət partiyaları təxribatlara yol verməmək üçün hakimiyyəti parlamentin müvafiq komitəsini sabahkı dinləmələri təxirə salmağa çağırıb.
Oxşar xəbərlər
“Google” artıq istifadəçilərin geolokasiya məlumatlarını hüquq-mühafizə orqanlarına verməyəcək
İspaniyada 300-dən çox kiberhücum həyata keçirən qruplaşmanın liderlərindən biri saxlanılıb
Prezidentin xüsusi tapşırıqlar üzrə nümayəndəsinin vəzifəsi inzibati vəzifələrin I təsnifatına daxil edilir
Berlin küçələrinə 150 mindən çox etirazçı çıxıb
Gürcüstanda QHT nümayəndələri parlament binası qarşısında etiraz aksiyası keçirəcəklər
Ən son xəbərləri bizim
"Facebook" səhifəmizdə izləyin
Digər xəbərlər
-
Putin xaos yaradır: Kreml Bakıya qara təbliğata başladı
-
Nazirin səsindən istifadə edildi, iş adamları hədəf alındı
-
Azərbaycan-Rusiya münasibətləri: Təyyarə hadisəsi, miqrantlara təzyiqlər və "Rus Evi"nin bağlanması
-
Qərbi Azərbaycan Xronikası: Mxitaristlər ermənilərin keçmişinə dair saxta tarix yazıblar
-
Gəncədə evdə qaz balonu partlayıb, xəsarət alan var
-
İsrailin müdafiə naziri HƏMAS-ı Qəzza razılaşmasını pozmaqda ittiham edib
