İsrail Müdafiə Qüvvələrinin (İMQ) Baş Qərargah rəisi Əyal Zamir Livanda hədəflənmiş quru əməliyyatları planını təsdiqləyib.

"Sizinxeber.az" xəbər verir ki, bu barədə İsrail ordusunun mətbuat xidməti özünün Telegram kanalında məlumat yayıb.

""Hizbullah" terror təşkilatına qarşı əməliyyat yeni başlayıb. İrandakı əməliyyat başa çatdıqdan sonra "Hizbullah" tək qalacaq və təcrid olunacaq. Bu, uzunmüddətli bir əməliyyatdır və biz buna hazırıq", - Zamir bildirib.

O əlavə edib ki, İsrail ordusu hazırda mütəşəkkil plana uyğun olaraq hədəfə alınan yerüstü əməliyyatları və zərbələri irəlilətməyə hazırlaşır.

Baş Qərargah rəisinin sözlərinə görə, İsrail ölkənin şimalındakı sakinlər üçün uzunmüddətli təhlükəsizlik təmin olunana qədər dayanmayacaq.

Oxşar xəbərlər

KİV: İsrail ordusu Qəzzaya yeni hücum planını təsdiqləyib

İsrail Ordusu: Livanda 20-dən çox "Hizbullah" döyüşçüsü öldürülüb

İsrail ordusu Livanda 250 “Hizbullah” yaraqlısını öldürüb

İsrail Livanda quru əməliyyatının ikinci mərhələsinə başlayıb

İsrail Qəzzanı ilhaq planını təsdiqləyib