Türkiyə Xarici İşlər Nazirliyinin (XİN) sözçüsü Öncü Keçeli Suriyanın cənubunda baş verən zorakılıq hadisələrini dəyərləndirib.

"Report" xəbər verir ki, o, "X" sosial media hesabından etdiyi paylaşımda bildirib ki, Türkiyə Suriyanın cənubunda baş verən zorakılıq hadisələrinin Suriya hökuməti tərəfindən yerli səviyyədə dialoq vasitəsilə ən qısa müddətdə sona çatdırılması və təhlükəsizliyin təmininə ümid edir.

Bu prosesdə Suriyanın suverenliyinə və birliyinə dəstək verilməsinin zəruriliyinə diqqət çəkən Keçeli Türkiyənin beynəlxalq ictimaiyyətin məsuliyyətli tərəfdaşları ilə birlikdə Suriyada sabitliyin gücləndirilməsinə və barışıq səylərinə dəstəyini davam etdirəcəyini qeyd edib.

Qeyd edək ki, Suriyanın cənubunda yerləşən Əs-Süveydə əyalətində bədəvilər və druzlar arasında baş verən toqquşmalar nəticəsində azı 37 nəfər həlak olub, təxminən 50 nəfər yaralanıb.

“The Syrian Observatory for Human Rights” (SOHR) monitorinq qrupunun məlumatına əsasən, ölənlərdən 27-si druz,10-u bədəvidir. Qeyd olunub ki, etnik azlıqlar arasında toqquşmalar nəticəsində daha 100 nəfər yaralanıb. Məlumata görə, druz və bədəvi liderləri silahlı toqquşmaların dayandırılmasına çağırırlar.

Oxşar xəbərlər

Suriyada yerli tayfalar arasında atışmalar nəticəsində 30-dan çox insan həlak olub

XİN: Azərbaycan Suriyanın ərazi bütövlüyü və suverenliyinə dəstəyini bir daha ifadə edir

Suriyada terror aktı nəticəsində bir neçə hərbçi həlak olub

Türkiyə XİN: Latakiyada baş verən təxribatların regionda sülhə təhdid olmasına yol verilməməlidir

Suriyanın şərqində hərbçilərlə silahlılar arasında toqquşmalar baş verib