ABŞ Prezidenti Donald Tramp ABŞ və İsrailin İrana endirdiyi zərbələrdən sonra öz tələsinə düşüb.

Sizinxeber.Az xəbər verir ki, bunu ABŞ prezidentinin keçmiş milli təhlükəsizlik üzrə müşaviri Con Bolton bildirib.

O qeyd edib ki, Ağ Ev rəhbəri lazımi siyasi və diplomatik hazırlıq olmadan hərbi kampaniyaya başlayıb.

Onun sözlərinə görə, Tramp son həftələr ərzində özünə “qələbə” elan etməyə imkan verəcək bir razılaşma əldə etməyə çalışırdı, lakin eyni zamanda Barak Obama dövründəki İranın nüvə sazişinə bənzər müqavilənin bağlanmasından ehtiyat edirdi.

Bolton bildirib ki, zərbələr başlamazdan əvvəl ABŞ administrasiyası Amerika cəmiyyətinə niyə güc tətbiqinin İran rejiminin dəyişdirilməsi, nüvə təhdidinin aradan qaldırılması və ya Tehranın hərbi potensialının məhv edilməsi üçün vacib olduğunu izah etməyib.

O həmçinin iddia edib ki, Ağ Ev Konqres, NATO müttəfiqləri, Fars körfəzi ölkələri və Hind-Sakit okean regionundakı tərəfdaşlarla tammiqyaslı məsləhətləşmələr aparmayıb.

Bolton vurğulayıb ki, Vaşinqton öz hərəkətlərini İran müxalifəti ilə də koordinasiya etməyib.

Oxşar xəbərlər

Tramp: İran nüvə silahından imtinaya söz verir, lakin açıq bəyanatlarda əksini iddia edir

ABŞ Prezidenti: İranın nüvə silahı olmayacaq

Tramp İranın çiçəklənməsini istəyir, “lakin nüvə silahı olmadan”

Tramp: İran münaqişəsi sona yaxınlaşır – YENİLƏNİB

Qalibaf Trampın İran-ABŞ danışıqları ilə bağlı açıqlamalarını təkzib edib