Gürcüstanda yanacaq yenidən bahalaşıb. Xüsusilə, bəzi brend yanacaqdoldurma məntəqələrində müxtəlif növ yanacağın qiyməti son bir həftədə 20–30 tetri, mart ayından bəri isə 1 lari 24 tetri (50 sent) artıb.

Axar.az Unikal-a istinadən xəbər verir ki, qiymət artımı Yaxın Şərqdə baş verən münaqişə fonunda son iki ay ərzində mütəmadi olaraq davam edir.

Müxtəlif yanacaqdoldurma məntəqələrində dizel yanacağının qiyməti 4,19 və 4,37 lari arasında dəyişir. Bu qiymət mart ayının 7-dən bəri ən yüksək göstəricidir. Martın 7-də qiymət 3,13 lari olub və qiymət artımı 1,24 lari təşkil edib.

Benzinin qiyməti isə 3,29 və 3,79 lari arasında dəyişir.

Xatırladaq ki, bu ilin fevralın 28-dən etibarən Yaxın Şərqdəki hadisələr səbəbindən Hörmüz boğazı vasitəsilə daşımalar çətinləşib.

Analitiklərin qiymətləndirməsinə görə, Hörmüz boğazı tam açılsa belə, neft tədarük zəncirlərinin normallaşması aylar çəkə bilər və bu səbəbdən qlobal enerji bazarlarında qiymət artımı davam edəcək.

Oxşar xəbərlər

Bakının mənzil bazarında dekabrda ən yüksək qiymət artımı Nərimanovda olub

Gürcüstan Azərbaycandan benzin tədarükünün artacağını gözləyir

KİV: ABŞ-da benzinin qiyməti rekord həddə çatıb

Dünya bazarlarında neft iki dollara yaxın bahalaşıb

AAA: ABŞ-də benzin İranla münaqişənin başlamasından bəri 1,5 dəfə bahalaşıb