Simonyanın Matviyenko ilə görüşü zamanı Ermənistan parlamenti qarşısında Rusiya əleyhinə aksiyası keçirilib

Rusiya Federasiyası Federasiya Şurasının sədri Valentina Matviyenkonun İrəvana səfərinə etiraz olaraq Ermənistan parlamentinin binası qarşısında etiraz aksiyası keçirilib.

Sizinxeber.az xəbər verir ki, əllərində antiRusiya plakatları tutan bir qrup şəxs Matviyenko Ermənistan parlamentinin sədri Alen Simonyanla görüş keçirdiyi vaxt parlament binası qarşısında Rusiya əleyhinə şüarlar səsləndiriblər.

Polis aksiya iştirakçılarına ərazidən uzaqlaşmaları barədə xəbərdarlıq edib.

Eyni vaxtda parlament binası qarşısında Ermənistan-Rusiya dostluğunu dəstəkləyənlər də aksiya təşkil edib.