Rusiya Daxili İşlər Nazirliyinin Volqa Federal Dairəsi üzrə Nəqliyyat İdarəsinin keçmiş rəisi, general-mayor Aleksandr Berejnoy Moskvada saxlanılıb.

Sizinxeber.az-nın Rusiya bürosu xəbər verir ki, bu barədə "Baza" teleqram kanalı məlumat yayıb.

Bildirilib ki, 49 yaşlı Berejnoy Federal Təhlükəsizlik Xidmətinin (FSB) əməkdaşları tərəfindən saxlanılıb.

İstintaq hesab edir ki, o, 2023-cü ildə polis binasında yarımçıq qalan təmir işlərinin qəbuluna göstəriş verib. Berejnoy həmçinin "Neptun 550" adlı xidmət gəmisini qeydiyyata almaqda, saxta sənədlərdən istifadə etməkdə və ondan şəxsi məqsədlər üçün istifadə etməkdə şübhəli bilinir.

Berejnoy 2017-ci ildə idarə rəisi vəzifəsinə təyin edilib. O, çoxsaylı dövlət mükafatlarına, o cümlədən “İgidliyə görə” və "Şücaətə görə" ordeni və medalına layiq görülüb. Berejnoy 2024-cü ilin payızında idarə rəisi vəzifəsini tərk edib.

Oxşar xəbərlər

Rusiyalı general və köməkçisinin qətlinə görə Özbəkistan vətəndaşı saxlanılıb - YENİLƏNİB

Ermənistanın keçmiş müdafiə naziri Moskvada saxlanılıb

Rusiya MN-in yüksək rütbəli əməkdaşlarına qarşı silsilə sui-qəsdin qarşısı alınıb