Rusiya kiçik hədəfləri hipersəs raketlə vurmağı mənasız hesab edir, bu, topla sərçələri vurmaq kimidir.

APA-nın Moskva müxbiri xəbər verir ki, bunu Rusiya Prezidenti Vladimir Putin Astanada keçirilən KTMT sammitinin yekunlarına dair mətbuat konfransında bildirib.

Putin bir daha təsdiqləyib ki, Rusiya Kiyevdə qərar qəbuletmə mərkəzlərinə zərbələr endirmək üçün "Oreşnik"dən istifadə edə bilər.

Rusiya lideri bildirib ki,"Oreşnik"dən istifadənin sınaq aspekti bu silahı təkmilləşdirməyə yönəlib. Onun sözlərinə görə, "Oreşnik"in sınaqları “məsafə ilə döyüş hissəsi arasında oynamaq” cəhdləri ilə bağlıdır.

Putin qeyd edib ki, Ukraynada atılan “Oreşnik” raketində güclü dağıdıcı elementlər olub.

O, “Oreşnik” zərbəsini meteoritin düşməsi ilə müqayisə edib.

Putin Ukraynadakı qərar qəbuletmə mərkəzlərinə hücumlarla bağlı suala cavab olaraq “gün ərzində hər şeyin mümkün olduğunu” deyib.

Oxşar xəbərlər

Rusiya "Oreşnik"in kütləvi istehsalına başlayıb

Putin Müdafiə Nazirliyinin rəhbərliyi ilə müşavirə keçirib - YENİLƏNİB

Putin Rusiyanın hadisələrin istənilən inkişafına hazır olduğuna şübhə edənlərə xəbərdarlıq edib

Rusiyanın Ukraynanın “Yujmaş” zavoduna ballistik raketlə hücumunun görüntüləri yayılıb - VİDEO

Kreml: Putin “sülh trayektoriya”sına çıxmaq üçün təmaslara açıqdır