Erməni sosial şəbəkələri Paşinyanın bazar günü axşam hökumətdə real təmizləmələr həyata keçirdiyini yazır.

APA xəbər verir ki, shamshyan.com saytının məlumatına görə, baş nazir bu gün sərt söhbət etdiyi ərazi idarəetmə naziri Qnel Sanosyan və Dövlət Gəlirləri Komitəsinin rəhbəri Rüstəm Balasyanı yanına çağırıb. Məhz bundan sonra məmurlar istefa ərizələrini təqdim ediblər.

“24news” xəbər verir ki, Daxili İşlər Nazirliyinin rəhbəri Vahe Kazaryan da istefa verib.

Şayiələrə görə, İstintaq Komitəsinin rəhbəri Argişti Kyaramyan da öz həmkarlarından nümunə götürüb.

Qeyd edək ki, bütün bunlar hələ rəsmi təsdiqini tapmayıb.

İstefaların Paşinyanın Nazirlər Kabinetinin iclasında təhlükəsizlik qüvvələrini bu yaxınlarda danlamasından sonra baş verdiyi bildirilir.

Oxşar xəbərlər

KİV: Ermənistanda bir sıra yüksək vəzifəli şəxslər istefa verib

ABŞ Məxfi Xidmətinin rəhbəri Trampa sui-qəsdə görə istefa verib

Şahin Diniyev "Səbail"-in baş məşqçisi postundan istefa verib

Ukrayna xarici işlər naziri Kuleba istefa ərizəsi yazıb - FOTO

Ukraynada 3 nazir və fond rəhbəri istefa ərizəsi yazıb