“Qəzzadakı yaşayış binalarına düşən hər bir raket BMT-nin ümumi fəaliyyət sistemini darmadağın edir”.

APA-nın TASS-a istinadən xəbərinə görə, bunu Venesuela prezidenti Nikolas Maduro “BRICS+” çərçivəsində keçirilən toplantıda bildirib.

O, Beynəlxalq Ədalət Məhkəməsinin fəaliyyətini də tənqid edib. N.Maduro vurğulayıb ki, sözügedən struktur Afrika, Asiya və Latın Amerikası ölkələrinə təzyiq göstərmək məqsədilə istifadə edilir:

“Livanın cənubunda və Beyrutda hər gün insanlar qətlə yetirilir, yaxud yaralanır. Bəs beynəlxalq səviyyəli ədalət mühakiməsinin fəaliyyəti nədən ibarətdir? Onlar işlərinin bir sıra sənəd və bəyanatlar qəbul etməkdən ibarət olduğunu düşünür. Afrika, Asiya və Latın Amerikası ölkələrində yaşayan qadınlar və uşaqların vəziyyəti heç kimi maraqlandırmır”.

Oxşar xəbərlər

Maduro “WhatsApp”-ı Venesuela vətəndaşlarına qarşı casusluqda ittiham edib

Maduro: Qonzales özünü Venesuela lideri elan etməkdən qorxurdu

Maduro Trampı yeni sui-qəsd cəhdini müstəqil şəkildə araşdırmağa çağırıb

Maduro Dominikan Respublikasının prezidentini oğru adlandırıb

Maduro: Venesuela müstəmləkə talanına görə İspaniyadan təzminat tələb edəcək