Rusiya “Şahed” kamikadze dronlarını təkmilləşdirib.

Sizinxeber.az xəbər verir ki, bu barədə ABŞ-nin Müharibə Araşdırmaları İnstitutu (ISW) Ukraynanın mobil hava hücumundan müdafiə bölmələrinin hərbçilərinə istinadən məlumat paylaşıb.

Bildirilib ki, təkmilləşdirmələr nəticəsində sözügedən dronlar indi daha yüksəkdən və daha sürətlə uça bilirlər.

Hərbçilər qeyd ediblər ki, əvvəllər aşağı sürətə və çətin manevr imkanlarına malik “Şahed” dronları aşağı hündürlükdə uça bilirdi. Lakin Rusiya qoşunları ötən dövrdə dronun komponentlərini təkmilləşdirərək ona sürət və hündürlük qazandırıblar.

Ukrayna hərbçiləri paralel olaraq Ukraynanın da PUA-lara qarşı mübarizə taktikalarını və vasitələrini təkmilləşdirdiyini, indi zərbələrə qarşı effektiv mübarizə apara bildiyini qeyd ediblər.

Oxşar xəbərlər

Zelenski: Sentyabrda Rusiya Ukraynaya qarşı 640-dan çox “Şahed” pilotsuz təyyarəsindən istifadə edib

Rusiya ilə Ukrayna arasında əsir mübadiləsi olub

Ukrayna Kurskda əsir götürülən 103 hərbçini Rusiyaya qaytarıb

KİV: İran Rusiyanın Ukraynadakı müharibəsi üçün yeni PUA hazırlayıb

Rusiyada 130 min nəfər hərbi xidmətə çağırılıb