Gürcüstanın paytaxtı Tbilisidə ənənəvi “Tbilisoba” şəhər bayramı keçirilir.

APA-nın Gürcüstan bürosu xəbər verir ki, bu ilki festival çərçivəsində Azərbaycan mədəniyyəti, incəsənəti, kulinariyasına aid nümunələr iki pavilyonda nümayiş olunur. Tarixi Meydan adlanan ərazidə təşkil edilmiş sərgi-satış yarmarkasında şəhər sakinləri və əcnəbilərə Azərbaycan milli mətbəxinin təamları, müxtəlif şirniyyatlar, milli musiqi alətləri, milli geyimlər, suvenirlər, canlı saz musqisi və.s təqdim olunur.

Tbilisi Sakrebulosunun (şəhər şurası) sədri Giorgi Tkemaladze, həmçinin Azərbaycanın Gürcüstandakı səfiri Faiq Quliyev Azərbaycan pavilyonlarını ziyarət edərək təqdim olunan nümunələrlə tanış olublar.

Qeyd edək ki, ənənəvi oktyabr festivalı olan “Tbilisoba” ilk dəfə 1979-cu ildə keçirilib. Festivalın keçirilməsi 1990-cı ildə dayandırılsa da 1995-ci ildən bərpa olunub.

Builki festival oktyabrın 5-də başa çatacaq.

Oxşar xəbərlər

Tbilisidə Xocalı soyqırımının ildönümü ilə əlaqədar anım tədbiri keçirilib - FOTO

Nazir müavini: Milli Musiqi Günü ilə bağlı bir sıra xarici ölkələrdə tədbir keçiriləcək

Azərbaycan Tbilisidə keçiriləcək ənənəvi qış xeyriyyə yarmarkasında iştirak edəcək

Azərbaycan nəşrləri XXI Beynəlxalq “Kitab sənəti” müsabiqəsində qalib olub

Azərbaycan Moskva Beynəlxalq Kitab Sərgisində təmsil olunur