Ukrayna 6 may tarixindən etibarən “sükut rejimi” elan edir.

"Unian"ın məlumatına görə, bu barədə ölkə prezidenti Volodimir Zelenski məlumat verib.

Dövlət başçısı bildirib ki, rejim 5-dən 6 maya keçən gecə saat 00:00-dan qüvvəyə minəcək və bu müddətdə Ukrayna tərəfi “güzgü prinsipi” ilə hərəkət edəcək.

Zelenski Rusiyanın birtərəfli qaydada elan etdiyi atəşkəsə də münasibət bildirib. Onun sözlərinə görə, bu günə qədər hərbi əməliyyatların dayandırılması şərtləri ilə bağlı Ukraynaya rəsmi müraciət daxil olmayıb.

“İnsan həyatı istənilən yubileyin qeyd olunmasından qat-qat dəyərlidir. Buna görə də mayın 5-dən 6-sına keçən gecə saat 00:00-dan etibarən sükut rejimi elan edirik”, – deyə o vurğulayıb.

Prezident qeyd edib ki, bu müddət ərzində döyüşlərin real şəkildə dayandırılması mümkündür.

“Göstərilən vaxtdan etibarən güzgü prinsipi ilə hərəkət edəcəyik. Əgər Rusiya Müdafiə Nazirliyi hesab edirsə ki, Ukraynanın xoş niyyəti olmadan Moskvada parad keçirmək mümkün deyil, deməli, indi Rusiya rəhbərliyi müharibəni bitirmək üçün real addımlar atmalıdır”, – deyə Zelenski əlavə edib.

Oxşar xəbərlər

Zelenski Trampa cavab verib: Putini cümə axşamı Türkiyədə şəxsən gözləyəcəm

Zelenski: Ukrayna istənilən formatda danışıqlara hazırdır

Zelenski: Ukrayna üçün təhlükəsizlik təminatları 7-10 gün ərzində hazırlanacaq

Zelenski Papa XIV Leo ilə görüşüb - FOTO

Zelenski: Ukrayna Donbasdan qoşunlarını çıxarmayacaq