Marsda ilk dəfə maye su tapılıb. Bu, səthin altında böyük dərinliklərdə yerləşir.

BAKU.WS BBC-yə istinadən xəbər verir ki, NASA-nın "Mars Insight Lander" zondunun topladığı məlumatları təhlil edən alimlər belə qənaətə gəliblər ki, Qırmızı Planetin qabığının dərinliklərində maye su anbarı deyilən yer var.

Xatırlayaq ki, daha əvvəl Marsda su buz və atmosferdə buxar qalıqları formasında tapılıb, lakin maye formasında yox. 

"Mars Insight Lander" zondu 6 il əvvəl Qırmızı Planetin səthinə enib. Onlardan 4-ü üçün bir yerdə dayanıb və "planetə qulaq asıb", yəni Marsın qabığının titrəməsini seysmoqrafda qeyd edib. Zond seysmik dalğaları yalnız özünün altında qeydə alıb və buna görə də məhz bu yerdə su yatağı aşkar edilib, lakin elm adamları belə çöküntülərin Marsın başqa yerlərdə də mövcud olduğunu düşünürlər. Təhlil göstərib ki, su Marsın səthinin altında 10-20 km dərinlikdə yerləşir.

Kaliforniya Universitetinin professoru Maykl Manqa nəşrə izah edib ki, “Bu, Yer kürəsində yeraltı su, neft və ya qaz yataqlarını axtarmaq üçün istifadə edilən üsuldur”.

Manqa onu da əlavə edib ki, bu kəşf böyük suala cavab verir: "Su Marsdan hara getdi?"

Marsın səthini tədqiq edən tədqiqatçılar onun üzərində su olduğunu çoxdan anlayıblar: səthdə çay və göllərin izləri var. Lakin son 3 milyard ildə onların yerini səhra tutmuşdur.

Suyun bir hissəsi, görünür, səthin altında qalıb. Bununla əlaqədar Manqa xatırladır ki, Yer kürəsində suyun kifayət qədər böyük bir hissəsi yerin altındadır və o, eyni şeyin Marsda olmaması üçün heç bir səbəb görmür.

Əgər həqiqətən də belədirsə, o zaman alimlərin fikrincə, bu görünməz çöküntülərdə Marsın bütün səthini bir kilometrlik su təbəqəsi ilə əhatə edəcək qədər su olmalıdır.

BAKU.WS

Oxşar xəbərlər

NASA Marsın tədqiqini dayandırdı [xfgiven_updateblue][/xfgiven_updateblue]

İlon Mask Marsa bir milyon insan göndərməyi planlaşdırır [xfgiven_updateblue][/xfgiven_updateblue]

Yaponiya “Fobos” missiyasının işə salınmasını 2026-cı ilə təxirə salıb [xfgiven_updateblue][/xfgiven_updateblue]

NASA-nın Marsdakı helikopteri ilə əlaqəsi kəsilib [xfgiven_updateblue][/xfgiven_updateblue]

Vüqar su içdiyi üçün vəfat edib? - Həkim inkar etdi [xfgiven_updateblue][/xfgiven_updateblue]