ABŞ nümayəndələri və HƏMAS hərəkatı arasında Qətərdə aparılan danışıqların nəticəsi olaraq yaxın vaxtlarda Qəzza zolağında müvəqqəti atəşkəs haqqında razılaşma əldə edilə bilər.

“Sizinxeber.az” xəbər verir ki, bu barədə “The National” qəzeti yazıb.

Mənbələrin məlumatına görə, ABŞ prezidentinin girovlar üzrə xüsusi nümayəndəsi Adam Bolerin başçılıq etdiyi nümayəndə heyəti bazar günü Dohada HƏMAS nümayəndələri ilə görüş keçirib. Görüşdə razılaşmanın əldə edilməsi istiqamətində əhəmiyyətli irəliləyiş əldə edilib.

Sazişin bağlanması barədə "bir gün və ya bir neçə saat ərzində" elan edilə bilər. Potensial saziş HƏMAS-ın altı girovu azad etməsi müqabilində İsrail həbsxanalarında saxlanılan fələstinlilərin azad edilməsindən sonra 21 günlük atəşkəsi, həmçinin humanitar yardımın anklava çatdırılmasının bərpasını təmin etməyi nəzərdə tutur.

Oxşar xəbərlər

HƏMAS İsraillə şərti razılığa gəlib, girovlar azad edilə bilər

HƏMAS İd əl-Fitr bayramında atəşkəs üçün bir neçə girovu azad edəcək

İsrail hökuməti Qəzzada atəşkəs sazişini təsdiqləyib

Qəzzada vəziyyətin nizamlanması üzrə Doha danışıqlarında irəliləyiş əldə edilib

HƏMAS: İsrail yeni şərtlər irəli sürməsə, Qəzza razılaşması mümkündür