Bu həftə London və Vaşinqton arasında ticarət sazişinin imzalanmasına baxmayaraq, ABŞ yaxın gələcəkdə Böyük Britaniya üçün tarifləri 10%-dən aşağı salmağı planlaşdırmır.

“Sizinxeber.az” “CNN” telekanalına istinadla xəbər verir ki, bunu ABŞ-nin ticarət naziri Hovard Latnik bəyan edib.

“Biz gözləyirik ki, 10% baza rüsumu yaxın gələcəkdə qüvvədə qalacaq. Biz onu 10%-dən aşağı salmayacağıq”, - deyə o qeyd edib.

Bununla yanaşı, Latnik qeyd edib ki, Vaşinqton tariflər məsələsində çevik yanaşma nümayiş etdirmək niyyətindədir:

“Məsələn, polad, alüminium və təyyarə ehtiyat hissələri ilə bağlı biz bildirmişik ki, “Rolls-Royce”un istehsal etdiyi və “Boeing” təyyarələrinə quraşdırılan mühərriklərin tədarükünün davam etməsi üçün rüsum tətbiq etməyək”.

ABŞ və Böyük Britaniya mayın 8-də ticarət sazişinin bağlandığını elan ediblər. Razılaşmaya əsasən, Vaşinqton Britaniya avtomobil sənayesi məhsullarına tətbiq edilən rüsumları 27,5%-dən 10%-ə endirəcək. Britaniya mallarının ABŞ-yə idxalı üçün yeni qaydalar yaxın vaxtlarda qüvvəyə minəcək.

Oxşar xəbərlər

ABŞ Britaniya avtomobillərinə rüsumları əhəmiyyətli dərəcədə azaldacaq [xfgiven_updateblue][/xfgiven_updateblue]

Tramp: Britaniya ilə ticarət sazişi iki ölkə arasında münasibətləri gücləndirəcək [xfgiven_updateblue][/xfgiven_updateblue]

ABŞ-nin ticarət naziri: Cavab rüsumlarını təxirə salmaq niyyətində deyilik [xfgiven_updateblue][/xfgiven_updateblue]

ABŞ bu gün Kanada və Meksika mallarına rüsumların azaldılmasını elan edə bilər [xfgiven_updateblue][/xfgiven_updateblue]

FT: Böyük Britaniya və ABŞ tarif razılaşmasına yaxındır [xfgiven_updateblue][/xfgiven_updateblue]