ABŞ dövlət katibi Mark Rubio Vaşinqtonda Fransanın xarici işlər naziri Jan-Noel Barrot ilə görüşüb. Tərəflər Rusiya-Ukrayna müharibəsi, İran və Qəzza zolağındakı vəziyyəti müzakirə ediblər.

“Report” xəbər verir ki, bunu ABŞ Dövlət Departamentinin mətbuat xidmətinin rəhbəri Temmi Bryus deyib.

Qeyd olunub ki, Rubio ABŞ prezidenti Donald Trampın Ukraynada mənasız qan tökülməsinə son qoymağa sadiq olduğunu açıq şəkildə ifadə edib və ABŞ-nin davamlı sülhü təmin etmək üçün Fransa və digər Avropa tərəfdaşları ilə yaxından işləməyə sadiqliyini bir daha təsdiqləyib:

“Avropa bu müharibəyə son qoymaq üçün real resurslar və siyasi iradə ilə addım atmalıdır”, - o, dövlət katibinin sözlərindən sitat gətirib.

Bəyanatda deyilir ki, tərəflər, həmçinin Qəzzada bütün girovların azad edilməsi üçün diplomatik səyləri müzakirə ediblər, həmçinin İranın nüvə proqramının inkişaf etdirməsinin qarşısını almaq üçün birgə öhdəliklərini təsdiqləyiblər.

Oxşar xəbərlər

Rubio Fransanın XİN başçısı ilə Ukrayna, Qəzza və İran məsələlərini müzakirə edib

Rubio: Avropa Ukrayna müharibəsinin başa çatdırılması üçün səylərini artırmalıdır

Rubio: ABŞ-də məsləhətləşmələr göstərdi ki, Rusiya - Ukrayna sülhü mümkündür

Yelisey Sarayı Rubio və Uitkoffun Ukrayna ilə bağlı görüşünün təfərrüatlarını açıqlayıb

ABŞ dövlət katibi aprelin 16-18-də Parisdə Aİ nümayəndələri ilə Ukrayna məsələsini müzakirə edəcək