BMT Baş katibi Antonio Quterreş Pakistanın Baş naziri Məhəmməd Şahbaz Şərif və Hindistanın xarici işlər naziri Subrahmanyam Cayşankar ilə telefon danışığı aparıb.

“Sizinxeber.az”un ABŞ bürosu xəbər verir ki, danışıqlar Hindistan və Pakistan arasında artan gərginliyin qarşısının alınması məqsədilə aparılıb.

Baş katib söhbət zamanı aprelin 22-də Cammu və Kəşmirdə baş vermiş terror hücumunu qətiyyətlə pislədiyini bir daha vurğulayıb.

O, hücumlara görə ədalətin və hesabatlılığın hüquqi yolla təmin edilməsinin vacibliyini önə çəkib.

Baş katib Hindistan və Pakistan arasında artan gərginlikdən dərin narahatlığını ifadə edərək, faciəli nəticələrə səbəb ola biləcək qarşıdurmadan çəkinməyə çağırıb. O, gərginliyin azaldılması səylərinə dəstək verməyə hazır olduğunu bildirib.

Oxşar xəbərlər

Rusiya XİN Hindistan və Pakistanı dialoqa çağırıb

KİV: Hindistan və Pakistan hərbçiləri arasında atışma olub

KİV: Hindistan-Pakistan sərhədində yenidən atışma baş verib

Rusiya Hindistan və Pakistanı təmkinli olmağa çağırıb

Pakistan Kəşmirə hücumla bağlı beynəlxalq araşdırmaya çağırır