ABŞ-nin bir neçə nüfuzlu şirkətinin rəhbəri Donald Trampın inaqurasiya tədbirlərinə rekord məbləğdə 239 milyon dollar ianə ediblər.

"Sizinxeber.az" TASS-a istinadən xəbər verir ki, bu barədə "Financial Times" qəzeti ABŞ Federal Seçki Komissiyasının məlumatlarına əsaslanaraq məlumat yayıb.

Məlumata görə, bura texnologiya sektorundan olan “Apple”, “OpenAI” və “Uber” kimi şirkətlər daxildir. Bu göstərici səkkiz il əvvəlkindən (2017-2021) iki dəfə çoxdur.

Keçmiş ABŞ Prezidenti Cozef Bayden 2021-ci ildə təxminən dörd dəfə az - vəsait toplayıb. Trampın inaqurasiya komitəsi tərəfindən toplanan vəsaitlər yeni prezidentin dəstəyini qazanmaq istəyən ABŞ sənayesinin bütün əsas sahələrindəki şirkətlərin nümayəndələrindən daxil olub. “JPMorgan Chase”, “BlackRock”, “Blackstone” və “Goldman Sachs” kimi maliyyə nəhəngləri hər biri 1 milyon dollar ianə edib. AT&T, “Comcast” və “Verizon” kimi telekommunikasiya şirkətləri də eyni məbləğdə ianə ediblər.

Bildirilib ki, “Chevron” şirkəti 2 milyon dollar ayırıb. Eyni məbləğdə vəsaiti ABŞ Milli Aeronavtika və Kosmik Tədqiqatlar İdarəsinin (NASA) rəhbəri, milyarder Cared Ayzekman təqdim edib.

Ən böyük ianə - 5 milyon dollar - toyuq əti istehsalçısı olan “Pilgrim's Pride” şirkəti həyata keçirib. Bununla yanaşı, “Ripple” kriptovalyuta şirkəti də təxminən eyni məbləğdə ianə edib.

Oxşar xəbərlər

“OpenAI”ın icraçı direktoru Trampın inauqurasiya fonduna 1 milyon dollar ianə edəcək

KİV: Mask Trampın siyasi təşkilatına 100 milyon dollar sərmayə qoyacaq