Tramp Maskın dövlət qulluğundan gedəcəyini elan edib

ABŞ Hökumətinin Səmərəliliyinin Artırılması Departamenti (DOGE) müəyyən bir vaxtda fəaliyyətini dayandıracaq, çünki iş adamı və “Tesla” şirkətinin sahibi İlon Mask dövlət qulluğunda yalnız 130 gün qalacaq.

"Report" ABŞ mətbuatına istinadən xəbər verir ki, bunu Prezident Donald Tramp deyib.

Onun sözlərinə görə, İ.Maskı bacardığı qədər saxlamağı planlaşdırır.

ABŞ Prezidenti həmçinin İ.Maskı istedadlı insan adlandırıb və qeyd edib ki, o, işinin öhdəsindən çox gözəl gəlir, lakin iş adamı böyük şirkətdə biznesi idarə etmək üçün geri qayıtmalı olacaq.