İsrail hökuməti Qəzzada atəşkəs razılaşmasının pozulması ilə bağlı istənilən halı ciddi qəbul edir.

“Sizinxeber.az” xəbər verir ki, bu barədə “Kan” dövlət teleradio şirkəti mənbəyə istinadən məlumat yayıb.

Bu bəyanat HƏMAS-ın şənbə günü azad edilməli olan girovların adlarını verməsini gecikdirdiyi vaxtda verilib.

İsrail ordusunun mətbuat xidməti də eyni vaxtda qoşunların Qəzza zolağına yerləşdirildiyini və özlərini müdafiə etməyə hazır olduqlarını bildirən bəyanat yayıb.

“Girovların qaytarılması ilə bağlı razılaşmanın icrası çərçivəsində Cənub Komandanlığının 162, 143 və 99-cu diviziyalarının qoşunları Qəzza zolağında bir neçə məntəqəyə yerləşdirilib. Hazırlıq çərçivəsində Cənub Komandanlığının komandirləri növbəti mərhələdə girovların geri qaytarılmasına dair bir sıra görüşlər keçiriblər”, - qurumdan bildirilib.

Xatırladaq ki, Qəzza zolağında atəşkəs yanvarın 19-dan qüvvəyə minib.

Oxşar xəbərlər

İsrail Qəzzada planlaşdırılan atəşkəsi təxirə salıb

İsrail Müdafiə Qüvvələri yanvarın 19-da səhər Qəzzadan girovların qəbuluna hazırlaşır

Qətər HƏMAS-İsrail razılaşmasını təsdiqləyib

İsrail HƏMAS-ın danışıqlarda iştirakdan imtina etməsinə münasibət bildirib

KİV: HƏMAS girovların siyahısını cümə günləri təqdim edəcək