ABŞ-nin Beynəlxalq İnkişaf Agentliyinin (USAID) 50-dən çox dövlət qulluqçusu inzibati məzuniyyətə göndərilib.

“Report” TASS-a istinadən xəbər verir ki, bu barədə “NBC News” telekanalı məlumat yayıb.

"USAID-də prezidentin icra fərmanlarının yerinə yetirilməsindən yayınmağa yönəlmiş bir sıra hərəkətlər qeydə almışıq. Bununla əlaqədar olaraq həmin hərəkətlərin yoxlanılması başa çatanadək USAID-in bəzi əməkdaşlarını tam maaş və güzəştlər saxlanılmaqla növbəti bildirişə qədər inzibati məzuniyyətə göndərmək qərarına gəldik", - USAID-in hazırkı rəhbəri Ceyson Qreyin elektron məktubunda deyilir.

Telekanalın məlumatına görə, USAID əməkdaşlarına bu qərar barədə ötən gün məlumat verilib.

Daha əvvəl ABŞ dövlət katibi Marko Rubio demək olar ki, bütün xarici yardım proqramlarının maliyyələşdirilməsinin 90 gün müddətinə dərhal dayandırılması barədə sərəncam verib.

İsrail və Misir üçün hərbi maliyyələşdirmə proqramları davam etdiriləcək. Eyni zamanda, qəzetin mənbələri bildirib ki, görülən tədbirlər böyük ehtimalla Ukrayna, İordaniya və Tayvan adasına yardımın dayandırılmasına səbəb olacaq.

Oxşar xəbərlər

USAID Ukraynaya dəstək layihələrini dayandırıb

Tramp administrasiyası 60-a yaxın USAID rəsmisini məzuniyyətə göndərib

USAİD Ukraynaya yardımları dayandırıb

USAID Ermənistana 250 milyon dollar maliyyə yardımı ayıracaq