ABŞ hökuməti Alyaska ştatının qorunan ərazilərində neft və qaz hasilatına yenidən icazə verməyi planlaşdırır.

“Sizinxeber.az” xəbər verir ki, bunu ABŞ Prezidenti Donald Tramp Floridada Respublikaçılar Partiyasından olan Konqres üzvləri qarşısında çıxışı zamanı bildirib. Çıxış Ağ Evin “X” sosial şəbəkəsindəki səhifəsində yayımlanıb.

Tramp vurğulayıb ki, bu yataqların ehtiyatları bütün Asiyanın tələbatını ödəyə bilər.

“Və biz bunu çox tez edəcəyik. İndi düşünürəm ki, bunu icra fərmanı ilə edəcəyəm, çünki onlar bunu Konqresdən keçirməyiblər. <...> Bu, öz yerləşməsinə görə bütün Asiyanı təchiz edə biləcək bir şey olacaq. Milli Arktik qoruğu bütün Asiyanı təchiz edə bilər”, – o vurğulayıb.

ABŞ Prezidenti həmçinin qeyd edib ki, Panama kanalı Çinin nəzarətinə keçir, lakin Vaşinqton, onun sözlərinə görə, buna imkan verməyəcək.

“Bu, aktual mövzuya çevrildi, çünki Çin əslində onu (Panama kanalını - red.) götürdü. Və biz bunun baş verməsinə icazə verməyəcəyik”, – Tramp bildirib.

Oxşar xəbərlər

Tramp ABŞ-nin Alyaskadakı qoruqlarda neft hasilatının bərpa olunacağını açıqlayıb

Tramp Panama kanalına nəzarəti bərpa edəcəyinə söz verib

Rusiya XİN: Tramp və Panama rəhbərliyi müzakirələrdə Panama kanalının mövcud beynəlxalq hüquqi rejiminə hörmət etməlidir

Panama Prezidenti Trampın su kanalı ilə bağlı iddialarını rədd edib

Tramp Floridada prezident seçkilərində səs verib