ABŞ ərazisi yaxın zamanda əhəmiyyətli dərəcədə genişlənə bilər.

“Report” xəbər verir ki, bunu ABŞ Prezidenti Donald Tramp Las-Veqasda (Nevada ştatı) çıxışı zamanı deyib.

“Yaxın gələcəkdə ölkəmiz çox əhəmiyyətli dərəcədə böyüyə bilər. Tezliklə biz ölkə olaraq böyüyə bilərik”, – Tramp bildirib. O bunun necə baş verə biləcəyini açıqlamayıb.

Yeni Amerika lideri daha əvvəl dəfələrlə Kanadanın ABŞ-yə qoşulmasının tərəfdarı olduğunu bildirmiş, bu halda ona hərbi və digər üstünlüklər söz vermişdi. Kanada iqtidarı bunun heç vaxt baş verməyəcəyini bildirmişdi.

Tramp həmçinin vurğulayıb ki, Qrenlandiya ABŞ-yə birləşməlidir. O, Danimarkanı ada üzərində hüquqlarından imtina etməzsə, yüksək ticarət rüsumları tətbiq etməklə hədələyib. Hələ birinci prezidentlik müddətində Tramp Qrenlandiyanı almağı təklif etmişdi. O vaxt olduğu kimi, Danimarka və Qrenlandiya iqtidarı bu ideyanı rədd edib.

Oxşar xəbərlər

Tramp: ABŞ tezliklə əhəmiyyətli dərəcədə böyüyə bilər [xfgiven_updateblue][/xfgiven_updateblue]

Tramp: Qrenlandiya Amerikanın mülkiyyətinə keçməlidir [xfgiven_updateblue][/xfgiven_updateblue]

KİV: Danimarka Tramp komandasına Qrenlandiya ilə bağlı mesajlar göndərib [xfgiven_updateblue][/xfgiven_updateblue]

Trampın Qrenlandiyanı almaq niyyəti ciddidir [xfgiven_updateblue][/xfgiven_updateblue]

Tramp və Si Cinpin arasında telefon danışığı olub [xfgiven_updateblue][/xfgiven_updateblue]