ABŞ-nin yeni seçilmiş Prezidenti Donald Trampın müşavirləri Danimarka rəsmilərini onun Qrenlandiyanı almaq məsələsində ciddi olduğu barədə xəbərdar ediblər.

“Sizinxeber.az” TASS-a istinadən xəbər verir ki, bu barədə CNN telekanalı məlumat yayıb.

Məlumata görə, indi Danimarka rəsmiləri yaxın müttəfiq və NATO üzvü ilə münasibətlərdə böyük nifaqa səbəb olmamaq üçün verəcəkləri cavabı diqqətlə təhlil edirlər.

Onların fikrincə, ABŞ-nin yeni seçilmiş Prezidentinin zarafat etdiyini düşünmək lazım deyil. Bunun əvəzinə böhrana yol verməmək üçün Trampın Qrenlandiya ilə bağlı bəyanatları ilə əlaqədar "açıq söhbət"ə başlamaq lazımdır.

Qeyd edək ki, Tramp yanvarın 7-də bəyan edib ki, Qrenlandiya milli təhlükəsizliyini təmin etmək, eləcə də Çin və Rusiyanın təhdidlərindən qorunmaq üçün ABŞ-nin tərkibinə daxil olmalıdır. Tramp hələ ilk prezidentlik dövründə (2019-cu ildə) söyləmişdi ki, ABŞ Danimarkanın tərkibində geniş muxtariyyət hüquqlarına malik olan Qrenlandiyanı ala bilər. Qrenlandiya və Danimarka hakimiyyəti bu ideyanı absurd adlandırıb.

Oxşar xəbərlər

Qrenlandiya Baş naziri Trampın ada üzərində nəzarəti ələ almaq çağırışını tənqid edib

Qrenlandiya adasının satılmadığı Trampa xatırladılıb

Bild: Trampın Qrenlandiya ilə bağlı sözləri Avropada təşviş yaradıb

Tramp: Qrenlandiya Amerikanın mülkiyyətinə keçməlidir

Trampın keçid komandası Panamaya qarşı hərbi gücün tətbiqini istisna edir