Slovakiyanın Baş naziri Robert Fitso hökumətin devrilməsi təhlükəsi ilə əlaqədar yanvarın 23-də ölkənin Təhlükəsizlik Şurasının təcili iclasını çağırıb.

“Report” xarici KİV-ə istinadən xəbər verir ki, o bunu mətbuat konfransında bildirib.

O qeyd edib ki, ölkədə mövcud hökuməti devirmək məqsədilə xarici ekspertlərdən ibarət qrup fəaliyyət göstərir.

"Hazırlanan model çox sadədir və bir çox ölkələrdə sınaqdan keçirilib. Təsdiq edə bilərəm ki, Slovakiyada Gürcüstandakı hadisələrdə və Ukrayna Maydan hadisələrində fəal iştirak edən ekspert qrupu var, bu qrup müxtəlif mənbələrdən maliyyələşdirilir", - o bildirib.

R.Fitso qeyd edib ki, hökumət əleyhinə adi etiraz aksiyaları zamanı dövlət orqanlarının işinə mane olmaq üçün hökumət binalarına soxulmaq və ya onları ələ keçirmək cəhdləri ola bilər.

Oxşar xəbərlər

Fitso Aİ-ni miqrasiya siyasətini sərtləşdirməyə çağırıb

Slovakiyanın Baş naziri Avropa Komissiyası ilə qaz tranzitinə dair müzakirələr aparacaq

Vladimir Putin Slovakiyanın Baş naziri Robert Fitso ilə danışıqlar aparır

Putinin Slovakiyanın baş naziri ilə görüşünün təfərrüatları bəlli olub