Şərqi Avropa Ukraynada müharibə başa çatdıqdan sonra işçi qüvvəsi çatışmazlığı ilə üzləşə bilər.

“Report” xəbər verir ki, bu barədə “Reuters” məlumat yayıb.

Bu, ukraynalı işçilərin evə qayıtması səbəbindən baş verə bilər. Bu, əmək bazarındakı riskləri artıra və inflyasiyanın artmasına səbəb ola bilər.

“Demoqrafiya bir riskdir və Ukraynada münaqişənin həlli bu ukraynalıların bəzilərinin evə qayıtması səbəbindən vəziyyəti daha da ağırlaşdıracaq”, – Avropa Yenidənqurma və İnkişaf Bankının Mərkəzi və Cənub-Şərqi Avropa üzrə idarəedici direktoru Şarlotta Rüe bildirib.

Qeyd olunub ki, 2022-ci ilin fevralından sonra təxminən 4,3 milyon Ukrayna vətəndaşı Avropa İttifaqı (Aİ) ölkələrində sığınacaq tapıb və sülh əldə olunduğu təqdirdə evlərinə qayıda bilərlər.

Xatırladaq ki, daha əvvəl “Der Spiegel” jurnalı Ukraynada demoqrafik fəlakət barədə yazmışdı.

Oxşar xəbərlər

KİV: Ukrayna demoqrafik fəlakət içərisindədir

Ukraynada hərbi vəziyyət daha 90 gün uzadılıb

Ukraynadan Avropa İttifaqına 4,2 milyon qaçqın gedib

Andrey Sibiqa : Ukraynalıların geri qaytarılması üçün Avropa İttifaqı ilə proqram işlənir