Ukrayna demoqrafik fəlakət içərisindədir.

“Report” xəbər verir ki, bu barədə “Der Spiegel” nəşri yazıb.

Bildirilib ki, hələ müharibədən əvvəl Ukraynada böhran olsa da, Rusiyanın hərbi müdaxiləsindən sonra vəziyyət faciəvi hal almağa başladı. "Demək olar ki, yeddi milyon insan xaricə qaçdı”.

Nəşr yazır ki, Rusiyanın 2022-ci ilin fevralında başlatdığı genişmiqyaslı müharibə demoqrafik böhranı fəlakətə çevirdi: “Ən azı beş milyon ukraynalı hazırda Rusiyanın işğalı altında yaşayır. On minlərlə dinc sakin və 100 minə qədər hərbçi həlak olub. Əgər 1990-cı illərin əvvəllərində Ukraynada 51,5 milyon insan yaşayırdısa, hazırda Kiyevin nəzarətində olan ərazidə cəmi 29 milyon insan yaşayır”.

Bildirilib ki, bu tendensiya təkcə Ukraynaya aid deyil: “Rusiya da oxşar problemlə üz- üzədir. Amma Rusiyanın əhalisi Ukraynadakından, demək olar ki, dörd dəfə çoxdur”.

Qeyd olunub ki, Ukraynadakı hazırkı tendensiyanın qarşısının alınması üçün insanlar geri qayıtmalıdır: “Bunun baş verməsi üçün ilk növbədə müharibə bitməli, təhlükəsizliyə zəmanət verilməlidir. Əks halda çətin ki, kimsə ölkəsinə qayıtsın. Əksinə, Ukraynadan gedənlərin çıxanların sayı artacaq”.

Oxşar xəbərlər

Norveç Ukrayna üçün HHM sistemləri və PUA alınmasına 50 milyon avro ayırıb

Bakteriyalarda antibiotiklərə qarşı müqavimət yaranması 40 milyon insanı öldürə bilər

Türkiyə Ukraynada rusiyalı məhbusların ziyarət edilməsi ilə bağlı hesabatı Rusiyaya göndərib