Qəzza zolağında saxlanılan girovların azad edilməsi üzrə danışıqlar tamamlanmayıb və İsrail bu gecə qalan fikir ayrılıqlarını həll etməyə ümid edir.

“Sizinxeber.az” xəbər verir ki, bu barədə İsrailin Baş naziri Benyamin Netanyahunun Ofisindən bildirilib.

“Hələ də həll olunmamış bir neçə bənd var və ümid edirik ki, təfərrüatlar bu gecə razılaşdırıla bilər”, - bəyanatda deyilir.

Ofis həmçinin qeyd edib ki, HƏMAS hərəkatının nümayəndələri İsrail qoşunlarının Filadelfiya dəhlizindən - Misirlə Qəzza zolağının sərhədindəki ərazisindən çıxarılması tələbindən imtina ediblər.

Bundan əvvəl "Əl-Qahira Əl-İxbariya" telekanalı mənbələrə istinadən məlumat yayıb ki, Qəzza zolağında atəşkəs razılaşması əldə olunub.

Məlumata görə, razılaşma vasitəçilərin bir neçə saatlıq gərgin fəaliyyətindən sonra bağlanıb.

Oxşar xəbərlər

İsrail Təhlükəsizlik Kabineti Qəzza razılaşmasının təsdiqi üçün toplanacaq

KİV: Qəzzada atəşkəs razılaşması əldə olunub

Tramp: HƏMAS girovları tezliklə azad edəcək

KİV: Qəzzada döyüşlərin dayandırılması ilə bağlı məsləhətləşmələr nəticəsiz başa çatıb