Aİ Ukraynaya humanitar yardım üçün 148 milyon avro ayırıb

Avropa İttifaqı Ukraynaya yeni 148 milyon avroluq humanitar yardım paketi ayırıb.

APA xəbər verir ki, bu barədə Avropa İttifaqının saytında bildirilib.

Məlumatda bildirilib ki, 140 milyon avro Ukraynada humanitar layihələr üçün ayrılıb. Bu maliyyə təcili yardımlara, o cümlədən qida, sığınacaq, təmiz su, səhiyyə ilə bağlı xərclərə yönəldiləcək. 8 milyon avro isə Moldova üçün humanitar layihələrə ayrılıb.

Dəstək əsas diqqəti ukraynalı qaçqınlara və Moldova ev sahibliyi edən icmalara kömək etmək, nağd yardıma üstünlük vermək, səhiyyə və təhsil kimi mühüm xidmətlərə çıxış və psixososial dəstəyə yönəldəcək.