Yanvarın 4-də Cənubi Afrika Respublikasının (CAR) Yohannesburq şəhərində, ölkənin ən böyük beynəlxalq O. R. Tambo adına hava limanı yaxınlığındakı Natref neft emalı zavodunda baş vermiş yanğın nəticəsində təyyarə yanacağı çatışmazlığı təhlükəsi yaranıb.

“Report” xəbər verir ki, bu barədə yerli “News 24” portalı məlumat yayıb.

"Yanvarın 20-dən 27-nə qədər Yohannesburq hava limanında gözlənilən təyyarə yanacağı çatışmazlığının qarşısını almaq üçün təcili tədbirlər görülməlidir" - CAR-ın dövlət hava limanı operatoru, Cənubi Afrika Hava Limanları Şirkətinin açıqlamasında deyilir.

Şirkət bildirib ki, CAR-da yanvarın 20-dək normal mülki aviasiya əməliyyatlarını təmin etmək üçün kifayət qədər yanacaq var. Lakin bu tarixdən sonra ölkənin hava limanlarına, xüsusən də Yohannesburq yaxınlığında yerləşən hava limanlarına yanacaq təchizatında fasilələr gözlənilə bilər.

Yohannesburq Beynəlxalq Hava Limanı trafikin həcminə görə Afrikadə ən böyük aeroportdur. Ötən il hava limanından 21,6 milyon sərnişin istifadə edib. Hava limanı 93 marşrut üzrə xidmət göstərir.

Oxşar xəbərlər

İstanbul Hava Limanı təyyarə yanacağını daha 3 il STAR NEZ-dən alacaq

İsrail hava məkanını açıb, Ben Qurion hava limanı fəaliyyətini bərpa edib

Dəməşq hava limanı yanvarın 7-dən beynəlxalq uçuşları bərpa edəcək

Heydər Əliyev adına Neft Emalı Zavodunda yanğın başlayıb

Bakıda Neft Emalı Zavodunda yanğın başlayıb - YENİLƏNİB