Venesuela Ali Məhkəməsi “TikTok” sosial şəbəkəsini insanların psixi və fiziki sağlamlığına zərər vuran məzmun yaydığına görə 10 milyon dollar cərimələyib.

"Sizinxeber.az"un məlumatına görə, bu barədə Bolivar Respublikası Ali Məhkəməsi sədrinin müavini Tanya D Amelio "Venezolana de Televisión" telekanalının efirində bildirib.

"Venesuela Ali Məhkəməsi “TikTok”a bu qərarın yayımlanmasından sonra səkkiz gün ərzində Milli rabitə Komissiyasına ödənilməli olan 10 milyon dollar cərimə və insanın psixoloji və fiziki sağlamlığına zərər verən Viral məzmunun yayılmasının qarşısını almaq üçün tədbirlərin görülməsinin zəruriliyi barədə məlumat verir", - D Amelio deyib.

O, bu vəsaitlərin təzminat üçün “TikTok” Qurbanları Fondunun yaradılması üçün istifadə olunacağını söyləyib.

Ali Məhkəmə, həmçinin “TikTok” şirkətinə ölkədə müəyyənləşdirilmiş hüquq normalarına riayət olunmasına nəzarət etmək üçün Venesuelada nümayəndəlik qurmaq barədə qərar çıxarıb.

Oxşar xəbərlər

Albaniyada valideynlərin şikayəti əsasında “TikTok” bir il müddətinə bloklanacaq

ABŞ-də baş prokurorlar “TikTok”u uşaqların psixikasına zərər verməkdə ittiham ediblər

ABŞ-nin yeni prezidenti ölkədə “TikTok”un bloklanmasının tərəfdarı deyil