Suriyanın keçid hökumətinin xarici işlər naziri Əssad Həsən Əş-Şibani təyinatından sonra ilk rəsmi xarici səfərini Səudiyyə Ərəbistanına edəcək.

"Report" xəbər verir ki, bu barədə o, "X" sosial şəbəkəsində bildirib.

Əş-Şibani səudiyyəli həmkarı Feysəl bin Fərhan Əl-Səudun rəsmi dəvəti ilə bu ölkəyə səfər edəcəyini vurğulayıb.

O əlavə edib ki, Suriyanın yeni hakimiyyət orqanları Ər-Riyadla bütün sahələrdə strateji əlaqələr qurmağı səbirsizliklə gözləyir.

Səfərin tarixi dəqiq məlum deyil.

Xatırladaq ki, noyabrın sonunda silahlı müxalifət qrupları Suriya ordusunun mövqelərinə genişmiqyaslı hücuma keçib. Dekabrın 8-də onlar Dəməşqə daxil olublar, Bəşər Əsəd Suriya prezidenti vəzifəsindən istefa verərək ölkəni tərk edib. Dekabrın 10-da Məhəmməd əl-Bəşir 2025-ci il martın 1-dək keçid dövründə Suriya hökumətinə rəhbərlik edəcək.

Oxşar xəbərlər

Suriyanın keçid hökumətinin xarici işlər naziri Azərbaycana səfərə dəvət olunub

Suriyanın Madriddəki səfirliyinin eyvanında rəsmi bayraq dəyişdirilib

Suriyanın baş naziri ordunun gələcək taleyinin qeyri-müəyyən olduğunu bildirib

KİV: Bəşər Əsəd ailəsi ilə birlikdə Moskvadadır

Suriya xarici işlər naziri Azərbaycana səfərə gələcək