Suriyada iqtidara gələn müxalifətin ölkədə yeni hökumətin qurulmasını Məhəmməd Bəşirə həvalə edəcəyi gözlənilir.

“Sizinxeber.az” xəbər verir ki, bu barədə “Əl-Cəzirə” telekanalı mənbələrə istinadən məlumat yayıb.

“Bəşirə keçid mərhələsinə rəhbərlik etmək üçün yeni hökumətin tərkibini formalaşdırmaqla bağlı tapşırıq veriləcəyi gözlənilir”, - məlumatda deyilir.

Qeyd olunur ki, Məhəmməd Bəşir ixtisasca mühəndisdir. 2024-cü ilin yanvarından Suriya müxalifəti onu həmin vaxt nəzarət altında olan ərazilərdə baş nazir təyin edib. Bundan əvvəl isə o, müxalifət idarəetmə orqanında inkişaf və humanitar məsələlər naziri vəzifəsində çalışıb.

Xatırladaq ki, daha əvvəl Suriya müxalifəti onun rəhbərlik etdiyi yeni idarəetmə orqanının 18 aylıq keçid dövrü üçün nəzərdə tutulduğunu, o cümlədən yeni konstitusiyanın hazırlanmasına 6 ay vaxt ayrılacağını bildirmişdi.

Oxşar xəbərlər

KİV: Suriyada yeni hökuməti formalaşdırmaq Məhəmməd Bəşirə tapşırılacaq

İran Suriyada hakimiyyəti ələ keçirən müxalifət liderləri ilə əlaqə qurub

Suriya Prezidenti yeni hökuməti formalaşdırıb

Fransada hökumətin yeni tərkibi ilə bağlı məsləhətləşmələr keçirilir

Suriyanın Baş naziri Əsədin harada olduğunu bilmir