ABŞ hakimiyyəti Suriyanın “Al-Qatirji” şirkəti ilə əlaqəli olan və İran İslam İnqilabı Keşikçiləri Korpusu (“Sepah”) və Yəmənin üsyançı “Ənsar Allah” (husilər) hərəkatının maraqları naminə neft satışında iştirak edən fiziki və hüquqi şəxslərə, həmçinin gəmilərə sanksiyalar tətbiq edib.

“Report” xəbər verir ki, bu barədə ABŞ Dövlət Departamentinin mətbuat xidmətinin rəhbəri Metyu Millerin yazılı bəyanatında deyilir.

“ABŞ bu gün Suriyanın “Al-Qatirji” şirkəti ilə əlaqəli şəbəkəyə daxil olan 26 fiziki və hüquqi şəxsi, həmçinin gəmiləri sanksiya siyahısına daxil edib və ya bloklanmış əmlak kimi təsnif edib. Bu şirkət ABŞ-nin sanksiyaları altında olan İİKK və husilərlə əlaqələr saxlayır”, - sənəddə qeyd olunub.

ABŞ Maliyyə Nazirliyinin bəyanatında bildirilir ki, “Al-Qatirji” təkcə bu il “Sepah”a yüz milyonlarla dollar gəlir əldə etməyə və onlara çıxış əldə etməyə imkan verib. Qurumun versiyasına görə, şirkət İran neftinin Suriya və Çinə satışından vəsait əldə edir. O, “husilərə hər ay milyonlarla dollar təqdim edir və bilərəkdən onların həyata keçirdiyi hücumları maliyyələşdirir”.

Oxşar xəbərlər

ABŞ husilərlə əlaqəsi olan şirkətlərə və gəmilərə qarşı sanksiyaları genişləndirib

Ukrayna SEPAH-a və üç ölkədən onlarla hüquqi şəxsə qarşı sanksiyalar tətbiq edib

ABŞ Rusiyanın fiziki və hüquqi şəxslərinə sanksiyalar tətbiq edib

ABŞ İran nefti ilə ticarətə görə 16 şirkət və 23 tankerə sanksiyaya tətbiq edib