ABŞ və Böyük Britaniya husilərin "Ənsar Allah" hərəkatının nəzarətində olan Yəmənin eyniadlı vilayətinin inzibati mərkəzi Hudeydə şəhərinə zərbələr endirib.

"Report" xəbər verir ki, bu barədə hərəkatın “Al Masirah” telekanalı məlumat yayıb.

Məlumata görə, koalisiya qüvvələri Qırmızı dəniz sahillərində yerləşən Ras İsa limanının ərazisinə azı iki zərbə endirib.

Hücumun nəticələri, o cümlədən mümkün itkilər və dağıntılar barədə məlumat verilmir.

Qəzza zolağında münaqişənin şiddətlənməsindən sonra "Ənsar Allah" xəbərdarlıq edib ki, İsraili atəşə tutacaq və Fələstin anklavında əməliyyatlar dayandırılana qədər gəmilərin Qırmızı dəniz və Bab əl-Məndəb boğazından keçməsinə icazə verməyəcək. 2023-cü ilin noyabrından husilər Qırmızı dəniz və Ədən körfəzində onlarla mülki gəmiyə hücum edib.

ABŞ Qırmızı dənizdə naviqasiya azadlığını təmin etmək və gəmiləri qorumaq üçün beynəlxalq koalisiyanın yaradıldığını və “Prosperity Guardian” əməliyyatına başladığını elan edib. Bundan sonra ABŞ və Böyük Britaniyanın silahlı qüvvələri mütəmadi olaraq Yəməndəki üsyançıların hərbi obyektlərinə zərbələr endirməyə başlayıb.

Oxşar xəbərlər

ABŞ Qırmızı dənizdə husilərə məxsus dörd pilotsuz gəmini vurub [xfgiven_updateblue][/xfgiven_updateblue]

ABŞ və Böyük Britaniya Yəmənə zərbələr endirib [xfgiven_updateblue][/xfgiven_updateblue]

ABŞ Qırmızı dənizdə husilərə məxsus pilotsuz gəmini vurub [xfgiven_updateblue][/xfgiven_updateblue]

ABŞ Yəməndə zenit-raket sistemini sıradan çıxarıb [xfgiven_updateblue][/xfgiven_updateblue]

Husilər ABŞ və Britaniya ilə uzunmüddətli qarşıdurmaya hazır olduqlarını bəyan edib [xfgiven_updateblue][/xfgiven_updateblue]