Misirin mərkəzi El-Minya əyalətində iki sərnişin qatarının toqquşması nəticəsində azı 20 nəfər xəsarət alıb.

“Report” xəbər verir ki, bu barədə ölkənin Səhiyyə Nazirliyi məlumat yayıb.

Qeyd olunub ki, nazirliyə hadisə nəticəsində həlak olanlar barədə hələ ki, məlumat daxil olmayıb.

Hadisə yerinə 23 təcili yardım avtomobili cəlb edilib. Bundan başqa Misirin səhiyyə naziri Xalid Abdel Qaffar öz müavinini qəza baş verən əraziyə göndərib.

Öz növbəsində “Al-Youm as-Sabia” portalı bildirib ki, oktyabrın 13-də səhər saatlarında Qahirəyə gedən sərnişin qatarı digər qatarın lokomotivi ilə toqquşub. Nəticədə iki vaqon relslərin yanından keçən su kanalına düşüb. Hadisə yerində xilasedicilər işləyir, hadisənin səbəbləri aydınlaşdırılır.

Oxşar xəbərlər

Misirdə iki sərnişin qatarı toqquşub, ölənlər və yaralılar var

Peruda avtobusun toqquşması nəticəsində 13 nəfər ölüb

Çexiyada qatarlar toqquşub, ölənlər və yaralılar var

İranın şimalında avtobus qəzaya uğrayıb, azı 55 nəfər xəsarət alıb

Hindistanda avtobus yük avtomobili ilə toqquşub, 15 nəfər ölüb