Hazırda 1,2 milyondan çox insan ölkənin cənub bölgələrində İsrail əməliyyatları və Livan paytaxtı Beyruta hava zərbələri nəticəsində Livan ərazisində qaçqın və ya məcburi köçkün vəziyyətindədir.

“Report” TASS-a istinadən xəbər verir ki, bu rəqəmləri Beynəlxalq Qırmızı Xaç Komitəsinin (BQXK) nümayəndəsi açıqlayıb.

“Hazırda 1,2 milyondan çox livanlı qaçqın və ya məcburi köçkün hesab olunur və bu rəqəmin artması ehtimalı böyükdür”, – BQXK nümayəndəsi bildirib. Onun sözləri “Əl-Qahirə əl-İxbariya” telekanalı tərəfindən verilib.

O əlavə edib ki, “evlərini məcburi tərk etmiş insanların humanitar ehtiyacları çox böyükdür və vəziyyətin öhdəsindən gəlmək üçün bütün maraqlı tərəflərin əməkdaşlığına ehtiyacımız var”.

Daha əvvəl Beynəlxalq Miqrasiya Təşkilatı (BMqT) məlumat vermişdi ki, bu gün Livanda 690 mindən çox məcburi köçkün və təxminən 400 min qaçqın var ki, onların əksəriyyəti qonşu Suriyaya köçüb.

Oxşar xəbərlər

Qərbi Afrikada 7,3 milyondan çox insan münaqişələr səbəbindən qaçqın vəziyyətinə düşüb [xfgiven_updateblue][/xfgiven_updateblue]

BMT: Livandan Suriyaya 200 mindən çox qaçqın gedib [xfgiven_updateblue][/xfgiven_updateblue]

Azərbaycanda 399 min 50 nəfər məcburi köçkün seçici var [xfgiven_updateblue][/xfgiven_updateblue]

Bir gündə 5 mindən çox livanlı Suriyaya keçib [xfgiven_updateblue][/xfgiven_updateblue]

Məzahir Pənahov: 397 862 nəfər məcburi köçkün seçicimiz var [xfgiven_updateblue][/xfgiven_updateblue]