Norveç Polis Təhlükəsizlik Xidməti ölkədə terror təhlükəsi səviyyəsinin ortadan yüksəyə (ən yüksəkdən sonra ikinci - red.) qaldırıldığını açıqlayıb.

“Report” NRK-yə istinadən xəbər verir ki, müvafiq bəyanatı Skandinaviya ölkəsinin Polis Təhlükəsizlik Xidməti (Politiets sikkerhetstjeneste, PST) yayıb.

Xüsusi xidmət orqanının nümayəndəsi Eyrik Veum bildirib ki, Yaxın Şərqdə vəziyyətin gərginləşməsi səbəbindən PST yəhudimənşəli şəxslərin, sinaqoq ziyarətçilərinin, həmçinin İsraillə əlaqəli təşkilatların daha böyük təhlükə altında ola biləcəyini hesab edir. Onun sözlərinə görə, bununla əlaqədar olaraq adətən silah gəzdirməyən Norveç polis əməkdaşları müvəqqəti olaraq silahlandırılacaq.

“Hazırda PST-nin Norveçdə hər hansı konkret terror planları barədə məlumatı yoxdur, lakin təhdidlərin aşkarlanması üçün daimi iş aparılır”, – Veum vurğulayıb.

Oxşar xəbərlər

Serbiya səfirlikləri terror təhlükəsi ilə üz-üzədir

ABŞ terror aktının qarşısını almaq üçün Avstriyaya kəşfiyyat məlumatı verib