Tanzaniyanın əsas müxalifət partiyası “Çadema”nın lideri Frimen Mbou bir sıra müxalif siyasətçilərin yoxa çıxmasında ittiham etdiyi daxili işlər naziri və təhlükəsizlik xidmətlərinin rəhbərlərini istefaya çağırıb və nümayişlərlə hədələyib.

“Sizinxeber.az” TASS-a istinadən xəbər verir ki, bu barədə “Agence France-Presse” məlumat yayıb.

Bu ultimatum sentyabrın 6-da oğurlanan və ertəsi gün ölü tapılan partiya üzvü Əli Mohamed Kibaonun qətlindən sonra verilib.

"Biz hökuməti tədbir görməyə çağırır və bu tələbimizin sentyabrın 21-dək yerinə yetiriləcəyinə ümid edirik”, - siyasətçi bildirib.

O əlavə edib ki, daxili işlər naziri, polis baş müfəttişi, cinayət təhqiqat xidmətinin rəisi və kəşfiyyat rəhbəri istefa verməlidir.

Məlumata görə, 2016-2024-cü illər ərzində 83 nəfər qaçırılıb və ya yoxa çıxıb. Mbou onların yoxa çıxmasının Britaniya polis xidməti tərəfindən araşdırılmasını təklif edib.

Oxşar xəbərlər

Paşinyan: Ermənistanda 44 günlük müharibədən sonra xeyli sayda silah yoxa çıxıb

Rusiyada helikopter göyərtəsindəki ekipajla birlikdə yoxa çıxıb

Renat Dadaşovun komanda yoldaşı yoxa çıxıb