Türkiyənin daxili işlər naziri Əli Yerlikaya İnterpol xətti ilə beynəlxalq axtarışa verilmiş 25 nəfərin, o cümlədən Azərbaycanın beynəlxalq axtarışa verdiyi şəxsin saxlanıldığını açıqlayıb.

“Sizinxeber.az” xəbər verir ki, bu barədə o, “X” sosial şəbəkəsindəki səhifəsində məlumat verib.

“8 vilayətdə həyata keçirilən əməliyyat tədbirləri nəticəsində İnterpol xətti ilə 18 ölkə tərəfindən dərhal həbs tələbi ilə axtarışa verilən 25 şübhəli saxlanılıb”, - məlumatda deyilir.

Onun sözlərinə görə, saxlanılan şəxslər mütəşəkkil cinayətkar qrupların fəaliyyətində iştirakda, müxtəlif cinayətlər törətməkdə, narkotik vasitələrin qanunsuz dövriyyəsində, insan alverində, dələduzluqda, çirkli pulların yuyulmasında, qanunsuz miqrasiyada iştirakda şübhəli bilinirlər.

Saxlanılan şəxslərin Azərbaycan, Almaniya, Avstraliya, Mərakeş, Niderland, İraq, İran, İtaliya, Qazaxıstan, Qırğızıstan, Koreya Respublikası, Monqolustan, Moldova, Özbəkistan, Rusiya, Suriya, Türkmənistan və İordaniyada axtarışda olduqları da vurğulanıb.

Oxşar xəbərlər

Azərbaycanın axtarışa verdiyi şəxs Türkiyədə saxlanıldı

İsveçin İnterpol xətti ilə axtarışa verdiyi narkobaron İstanbulda saxlanılıb

Vəkil: Kamil Zeynallı barəsində həbs qətimkan tədbiri seçilə bilər

Tanınmış idmançı Kamil Zeynallı Ermənistanın tələbi ilə Rusiyada saxlanılıb - VİDEO

Cinayət törətməkdə şübhəli bilinən 62 nəfər saxlanılıb