Argentinalı hakim Xulian Erkolini keçmiş prezident Alberto Fernandesin Fabiola Yanesə qarşı ailədaxili zorakılıq iddialarına görə ölkədən çıxışına qadağa qoyub.

"Sizinxeber.az"un məlumatına görə, bu barədə keçmiş dövlət başçısı “X” sosial şəbəkəsində yazıb.

Onun sözlərinə görə, hakim keçmiş dövlət başçısına əvvəllər Fernandesi fiziki və psixoloji zorakılıqda ittiham etmiş Yanesə yaxınlaşmağı da qadağan edib.

2019-2023-cü illərdə ölkəyə rəhbərlik etmiş Fernandes ona qarşı irəli sürülən ittihamları rədd edib. "Mediadan Fabiola Yanesin mənə qarşı şikayəti barədə öyrəndim və demək istəyirəm ki, əslində hər şey fərqli idi. Təkcə onu deyəcəyəm ki, bu doğru deyil və indiki ittihamlar heç vaxt baş verməyib", - o qeyd edib.