Ankara və Dəməşq Xarici İqtisadi Əlaqələr Şurasının nəzdində Suriya-Türkiyə İşgüzar Şurasının yaradıldığını elan edib, həmçinin 10 əməkdaşlıq sazişi imzalayıblar.

“Report” Suriyanın SANA agentliyinə istinadən xəbər verir ki, bu barədə Suriyanın iqtisadiyyat və xarici ticarət naziri Məhəmməd Nidal əş-Şaar və Türkiyənin ticarət naziri Ömər Bolatın birgə bəyanatında bildirilib.

“Xarici İqtisadi Əlaqələr Şurası hər iki ölkənin dövlət və özəl sektorları arasında əməkdaşlığın gücləndirilməsinə töhfə verəcək”, - bəyanatda deyilir.

Tərəflər Suriya gömrük məntəqələrinin və infrastrukturunun gücləndirilməsi, sərhəd prosedurlarının təkmilləşdirilməsi və gömrük orqanları arasında qarşılıqlı əlaqənin genişləndirilməsi üçün birgə işləmək barədə razılığa gəliblər.

Bundan əlavə, tərəflər birgə iqtisadi və ticarət komitəsinin yaradılması, Suriyanın infrastrukturunun gücləndirilməsi üçün inzibati inkişaf və idarəetmə sahəsində anlaşma memorandumunun imzalanması, həmçinin dövlət xidmətlərinin keyfiyyətinin yüksəldilməsi üçün mexanizmlərin hazırlanması və Suriya sənayesinin bərpası üçün institusional addımların müəyyən edilməsi barədə qərar qəbul ediblər.

Oxşar xəbərlər

Türkiyə və Suriya azad ticarət sazişinin bərpasını nəzərdən keçirəcək

Mərakeş və Suriya diplomatik əlaqələrin gücləndirilməsi ilə bağlı razılığa gəlib

Hakan Fidan: Türkiyə, Suriya və İraq terrorçuları birlikdə məhv etməlidir

Xamneyinin müşaviri: ABŞ İŞİD-i Suriya və İraqda sabitliyi pozmaq üçün yaradıb

Əhməd əl-Şaraa: Suriyaya qarşı tətbiq edilən sanksiyaların ləğvi zəruridir