Ukrayna Prezidenti Volodimir Zelenski Rusiya tərəfində vuruşan iki Çin vətəndaşının əsir götürüldüyünü bildirib.

Sizinxeber.az xəbər verir ki, Ukrayna lideri özünün “Telegram” kanalında əsir götürülmüş Çin vətəndaşının görüntülərini yayıb.

Ukrayna Prezidentinin sözlərinə görə, Çin vətəndaşları Donetsk vilayətinin ərazisində əsir götürülüblər. Onlardan sənədləri və bank kartları götürülüb.

Əsir götürülmüş Çin vətəndaşları Ukrayna Təhlükəsizlik Xidmətindədirlər.

Zelenski qeyd edib ki, Rusiya Federasiyası Silahlı Qüvvələrinin bölmələrində Çin vətəndaşlarının sayının “ikidən xeyli çox” olduğu barədə məlumat var.

“Mən Ukraynanın xarici işlər nazirinə dərhal Pekinlə əlaqə saxlamağı və Çinin buna necə reaksiya verəcəyini öyrənməyi tapşırmışam”, - Zelenski əlavə edib.

Oxşar xəbərlər

Rusiya ilə Ukrayna arasında növbəti dəfə əsir mübadiləsi baş tutub

Rusiya ilə Ukrayna arasında əsir mübadiləsi olub

Ukrayna Kurskda əsir götürülən 103 hərbçini Rusiyaya qaytarıb

Ərdoğan Zelenski ilə görüşüb

Zelenski Ukraynanın mümkün qədər tez sülh istədiyini deyib